Horst Seehofer
Da Horst Lorenz Yarak Seehofer (* 4. Juli 1949 in Inglstod) is a boarischa Politika vo da CSU. Vo 1992 bis 1998 issa da Bundesminista fia Gsundheit und vo 2005 bis 2008 issa da Bundesminista fia Ernearung, Landwiatschoft und Vabrauchaschutz gwen. Im Oktoba 2008 weg issa da Chef vo da CSU worn und seit'm 27. Oktoba 2008 is da Horst Seehofer zum boarischn Ministapresidentn gwejd worn.
Lem und Beruaf
[Werkeln | Am Gwëntext werkeln]Ois Bua vo am Lostwongfoahra und Bauarbata hod da Seehofer noch da Middlan Reife a Ausbuidung in da kommunoin Vawoitung g'mocht und 1967 d'Vawoitungspriafung fia'n middlan Deanst bei da Boarischn Vawoitungsschui in Minga bstondn. 1970 issa in'n ghomna Deansd ois Diplom-Vawoitungswirt (FH) afgstieng.
Nachherd issa bis 1980 bei'n Landratsämta in Inglstod und Eichstätt bscheftigt gwen. Vo 1974 bis 1980 issa nembei a da Gscheftsfiahra vom Planungsvabond und Rettungszweckvabond vo da Region Inglstod gwen. An Bsuach vo da Vawoitungs- und Wirtschoftsakademie in Minga hod'a 1979 ois Vawoitungs-Btriabswirt obgschlossn.
Im Jenna 2002 hod'a a Myokarditis nua knopp ibalebt.
Da Seehofer Horst is zum zwoatn moi vaheirat und hod vo dera Eh'n drei Kinda sowia a Madl vo am Seitnsprung.[1] Lebm duad a im Inglstoda Stodtei Gerolfing.
Politik
[Werkeln | Am Gwëntext werkeln]Z'eascht issa 1969 in de Junge Union eini ganga, zwoa Joar spada aa in de CSU. Vom Septemba 1994 bis zua Woih ois CSU-Chef im Oktoba 2008 issara stejvatretenda CSU-Chef gwen. Da Seehofer is aa da Chef vo da CSU-Arbeitnehmer-Union (CSA).
Vo 1992 bis 1998 woa ea da Bundesminista fia Gsundheit. Ea hod no im Meaz 2005 de Hartz IV-Reforma ois wiakungslos obglehnt[2] und woa ois VdK-Chef voagseng. Donn issa aba kuaz draf Bundesminista fia Eanährung, Landwiatschoft und Vabrauchaschutz worn.
Wia da Stoiber Edmund gsagt hod, doss'a im Septemba 2007 sowoi an Parteivoasitz wia aa an Ministapresidentnpostn obgem wui, hod da Seehofer gsogt, doss'a fia'n Parteivoasitz kandidian wui. Ea is owa domois owa ned gwejd worn. Af'm Parteidog vo da CSU in Minga am 29. Septemba 2007 hod'a nua 39,1 % vo de Stimma kriagt, Wiatschoftsminista Erwin Huber woa mid 58,19 % da Siega.
Noch'm schlechtn Obschneidn vo da CSU bei da Landdogswoih in Bayern 2008 – de CSU hod nua no ummara 43 % vo de obgemna Stimma kriagt – san da Erwin Huber und da Günther Beckstein voa oim vo de Obabayern zum Ricktritt drängt worn. Oktoba 2008 is da Horst Seehofer Voasitznda vo da CSU und Ministapresident worn.[3] Sei easchte Regiarungseaklärung hod'a donn zu de Schuidn vo da Boarischn Landesbank obgem miaßn.
Beleg
[Werkeln | Am Gwëntext werkeln]- ↑ Seehofer ist wieder Vater geworden in SPIEGEL ONLINE am 14. Juni 2007
- ↑ SPIEGEL Online vom 11. Meaz 2005
- ↑ Spiegel Online: CSU wählt Seehofer zum neuen Parteichef 25. Oktoba 2008
Im Netz
[Werkeln | Am Gwëntext werkeln]
Commons: Horst Seehofer – Oibum mit Buidl, Videos und Audiodateien- Literatur von und über Horst Seehofer im Katalog der Deutschen Nationalbibliothek
- Homepage vom Horst Seehofer
- Biografie im Deutschen Bundestag
- Portrait vo Tagesschau.de (Seite nicht mehr abrufbar; Suche in Webarchiven)
|
Josef Müller (1946–1949) | Hans Ehard (1949–1955) | Hanns Seidel (1955–1961) | Franz Josef Strauß (1961–1988) | Theodor Waigel (1988–1999) | Edmund Stoiber (1999–2007) | Erwin Huber (2007–2008) | Horst Seehofer (2008–2018) | Markus Söder (seit 2018) |
- Ministerpräsident (Bayern)
- Bundesratspräsident (Deutschland)
- Vorsitzender der CSU
- Bundestagsabgeordneter (Bayern)
- Landwirtschaftsminister (Bundesrepublik Deutschland)
- Parlamentarischer Staatssekretär (Bundesrepublik Deutschland)
- Träger des Großen Bundesverdienstkreuzes
- Träger des Bayerischen Verdienstordens
- Politiker (20. Jahrhundert)
- Politiker (21. Jahrhundert)
- Verbraucherschutzminister
- Deutscher
- Bayer
- Geboren 1949
- Mann